Ka kaluar gati një muaj nga ngjarja e rëndë e ndodhur në fshatin Resulaj në Selenicë të Vlorës, ku Ritvan Zykaj vrau me gjakftohtësi 8 persona nga familja e tij.
Gazetari Enrik Mehmeti, i ftuar në Opinion, tregoi se masakra ndodhi me shumë gjasa pas sherrit për pulat mes Ritvan Zykajt dhe kushërinjve të tij.
Mehmeti tha në studion e emisionit Opinion, se Ritvan Zykaj është akuzuar nga të afërmit e tij edhe për një vjedhje tjetër 4 vite më parë, specifikisht për vjedhjen e katër pulave të detit.
Gazetari shtoi se Zykaj është arrestuar kohë më parë edhe në Greqi për të njëjtën akuzë.
Në fjalën e tij, Mehmeti tregoi se autori i ngjarjes së rëndë nuk shfaqi asnjëherë pendesë në lidhje me atë që kreu si dhe kishte një shikim të ftohtë.
