30,05,2024

Eksodi 1999: Në këmbë drejt Shqipërisë (Video)

Must Read

eksodi-e1460834323808-780x439-750x375

Si sot e shtatëmbëdhjetë vjet më parë, qytetarët e Kukësit pritën shqiptarët e Kosovës që kaluan kufirin.

Që nga ajo kohë, Sefedin Abiti, si shumë ish-refugjatë, ka qenë edhe herë të tjera në Shqipëri, por kalimi në këmbë i kufirit për të inskenuar marshimin e vitit 1999 i ngjall të tjera emocione.

“Tani po e përjetojmë shumë mirë, ndërsa para shtatëmbëdhjetë vjetësh duke qarë kemi dalë. Ka pasur të vrarë e të plagosur”, tregon ai.

Të udhëhequr nga ministra e kryetarë komunash, në anën tjetër të kufirit qytetarët u pritën nga ambasadori i Shqipërisë në Kosovë, Qemal Minxhozi dhe kryebashkiaku i Kukësit, Bashkim Shehu.

“Sot vijnë në kushte tjera, në kushtet e një Kosove të pavarur, një Kosove që synimin e ka drejt Bashkimit Evropian”, u shpreh Minxhozi.

Ndërsa, ministri kosovar i Diasporës, Valon Murati, vlerësoi lart kontributin e Kukësit gjatë luftës në Kosovë.

“Ky rajon ka qenë jashtëzakonisht i rëndësishëm për logjistikën e luftës së UÇK-së. Prej këtej kemi pasur përkrahje edhe me burime njerëzore dhe sot po ecim këtu për të përkujtuar atë ditë dhe të rënët”, tha Murati.

Nga pika kufitare e Morinës, rruga drejt Kukësit vazhdoi më pas me autobusë, ndërsa në qytet, në patronazhin e kryetarit të bashkisë, Bashkim Shehu, për miqtë nga Kosova u organizua një aktivitet kulturor. /Top Channel/

[youtube https://www.youtube.com/watch?v=7AgRY4HFAC0?feature=oembed]
- Advertisement -spot_img
Të fundit

Arrestohet një person në Ferizaj, i dyshuar se ka kryer rrëmbim të një personi në Fushë Kosovë

Me datë 25.05.2024 rreth orës 09:35 policia rajonale e Ferizajt ka pranuar një informatë me telefon nga një femër...

More Articles Like This

- Advertisement -spot_img