26,05,2024

Edhe një shtëpi e vjetër rrënohet në Prizren: “Krimi po ndodh para syve të të gjithëve”

Must Read

shtep

Drejtori i organizatës joqeveritare Ec Ma Ndryshe, Hajrulla Çeku, nëpërmjet Facebook-ut ka njoftuar për rrënimin edhe të një shtëpie të vjetër në Prizren.

Çeku është shprehur i shqetësuar me këtë trend rrënimesh e shkatërrimesh të monumenteve në Qendrën Historike të Prizrenit.

Ai është ankuar se shteti nuk po gjendet asnjëherë në vendin e ngjarjes kur po ndodhin të gjitha këto, përfshirë rrënimin e dy shtëpive të dhe kaplimin nga zjarri të ndërtesës, e cila ishte pjesë e Kompleksit të Kishës Katolike.

Postimi i plotë i Çekut:

Sot u rrënua edhe një shtëpi e vjetër në Prizren

Brenda vetëm një jave, në Qendrën Historike të Prizrenit u shkatërruan tre monumente: dy shtëpi të vjetra u rrënuan tërësisht dhe ndërtesa që është pjesë e Kompleksit të Kishës Katolike u kaplua nga zjarri për herë të dytë. Çuditërisht, të gjitha po ndodhin ditëve të fundjavës dhe natyrisht, shteti nuk po shfaqet në vendin e ngjarjes.

Krimi po ndodh para syve të të gjithëve, ndërsa autoritetet përgjegjëse nuk po ndërmarrin asnjë veprim. Shkatërrimi do të vazhdojë edhe ditëve në vijim. Mosveprimi i zyrtarëve të shtetit nënkupton bashkëpjesëmarrje në krim.

 

- Advertisement -spot_img
Të fundit

Arrestohet një person në Ferizaj, i dyshuar se ka kryer rrëmbim të një personi në Fushë Kosovë

Me datë 25.05.2024 rreth orës 09:35 policia rajonale e Ferizajt ka pranuar një informatë me telefon nga një femër...

More Articles Like This

- Advertisement -spot_img