Talentët kosovar po lindin nga dita në ditë. I tillë është edhe qenderbrojtësi ferizajas Leard Sadriu, i cili gjatë këtij afati kalimtar kaloi nga Ferizaj te gjigandi shqiptar në Maqedoni, Shkëndija e Tetovës, shkruan Korneri.net
16 vjeçari nga dita e parë te skuadra e re ka lënë përshtypje të jashtëzakonshme, teksa dita e sotme do të mbetet gjatë në memorien e tij, pasi debutoi me ekipin e parë të “Kuqezinjëve”, në një moshë relativisht të re.
Sadriu u paraqit për 10 minuta në fushë në ndeshjen e humbur nga skuadra e tij 1-2 nga skuadra zvicrane FC Zurich.
Ish mbrojtësi i Ferizaj është edhe reprezentues i Kosovës U-17.
