15 shtëpi të reja për familjet e pastreha në Ferizaj që çon në 40 numrin e strehave të banimit që ndamë për skamnorët
Gjatë ditës së djeshme kryetari i Ferizajt, Agim Aliu së bashku me humanistin Halil Kastrati ndanë dy shtëpi për familjet ferizajase.
Aliu ka bërë të ditur se më humanistin Kastrati ka arritur marrëveshje për ndërtimin edhe të 15 shtëpive të reja për familjet në nevojë.
“Solidariteti për ferizajasit në nevojë, ka qenë e mbetet misioni ynë. Dje, bashkë me humanistin e rrallë, Halil Kastrati, ndamë 2 shtëpi për familjet ferizajase të pastreha, gjersa arritëm edhe marrëveshjen për ndërtimin edhe të 15 shtëpive të reja për familjet e pastreha në Ferizaj, që rrumbullakson 40 shtëpi që bashkërisht me shoqatën “Jetimat e Ballkanit”, Komuna e Ferizajt ka ndarë për familjet në nevojë. Asgjë nuk më bën më të lumtur, sesa buzëqeshja e fëmijëve në këto familje e drita në tunelin e gjatë, për një jetë më të mirë. T’i gëzojnë shtëpitë e reja këto familje!” ka thënë Aliu.