Qeverisja Aliu pas analizës dhe inputeve të marra nga dëgjimet buxhetore me qytetarë, ka përgatitur buxhetin për vitin 2020. Këtë dokument, sipas afatit ligjor, drejtorja e Drejtorisë së Financave, Sebahate Ajeti Sadiku ia dorëzoi sot, Kryesueses së Kuvendit të Komunës së Ferizajt, Kristina Gashi Bytyçi, që në seancën e radhës të aprovohet nga anëtarët e Kuvendit.
Buxheti prej 36,023,634.00 € për Komunën e Ferizajt për vitin 2020 është buxhet zhvillimor, i bazuar krejtësisht në rritjen e shërbimeve dhe kualitetit të jetës së qytetarëve. Ndër projektet kapitale në kuadër të këtij buxheti, janë përfshirë edhe një numër projektesh unike, që pritet të realizohen për herë të parë në territorin e Ferizajt. Këto risi dhe projeksione buxhetore rrisin cilësinë e jetës së ferizajasve duke e kthyer Komunën e Ferizajt, drejt orientimeve strategjike-investimore për vitin 2020
