Nënkryetari i Komunës së Ferizajt, Lulzim Aliu bashkë më stafin e tij mbështetës Selim Marevci dhe Agron Ajazi, gjatë ditës së sotme janë pritur në një takim me nga z. Tankut Sozkan, Zëvendës Udhëheqës në Zyrën e Këshillit të Evropës dhe Sakibe Jashari zyrtare e projektit.
Në takim është diskutuar për bashkëpunimin e deritanishëm, por edhe mundësitë e zgjerimit të bashkëpunimit në kuadër të zhvillimit të iniciativave konkrete me interes të përbashkët.
Theks i veçantë i diskutimit ishte edhe fuqizimi i të rinjve ferizajas duke krijuar për ta mundësi reale për edukim dhe avancim profesional përmes funksionalizimit të qendrës së Inovacionit dhe Ndërmarrësisë në Ferizaj.
