Deputetja nga Ferizaj e cila përfaqëson Ferizajn në kuadër të Grupit parlamentar të LDK-së , Saranda Musliu është shfaqur e shqetësuar me mosvotimin e projektligjit për Rimëkëmbje ekonomike.
Ajo përmes një statusi në fb e ka quajtur veprim të pafalshëm mospajtimin e deputetëve që të përfitojnë të gjithë qytetarët kosovarë.
“Qytetarë të dashur edhe unë jam e shqetësuar po aq sa ju me mosvotimin e Ligjit për Rimëkëmbje ekonomike sot në Kuvend.
E di se që jeni lodhur duke pritur klasën politike që të ju ndihmojë, por besoj e keni të qartë se kush nuk po tregohet i gatshëm që ju të përfitoni.
Qeveria Hoti e ka sjellë në Kuvend Ligjin para 3 muajsh, por në Kuvend nuk po arrihet pajtueshmëria për interesa të përbashkëta.
Kjo është e pafalshme.
Grupi i LDK-së do të jetë në përkrahje të këtij Ligji dhe të gjitha iniciativave që janë për zhvillim të biznesit.
Ne nuk do të ndalemi deri në përmbushjen e synimeve që janë të dobishme për ju” është shprehur deputetja Musliu.
