Deda reagon ashpër për lirimin e serbëve: Pse i liruat kur kërcënojnë sigurinë nacionale

Pas lirimit të pesë serbëve të arrestuar mëngjesin e sotëm në Shillovë të Gjilanit, i ashpër ka qenë reagimi i deputetit ë Kuvendit të Kosovës, Ilir Deda.
Deda madje ka thënë se arrestimi me pompozitet dhe lirimi i menjëhershëm i “kërcënuesve të sigurisë nacionale” është diletantizëm i dorës së parë, transmeton Indeksonline.
Duhet përkujtuar se Serbia menjëherë pas arrestimit ka kërcënuar shtetin e Kosovës se nëse nuk lirohen serbët deri në mbrëmje, dialogu nuk o të vazhdojë.
Postimi i plotë:
Kur një shtet dyshon dhe arreston individë për “kërcënim të sigurisë nacionale” – ja i arreston me të vërtetë sepse po e rrezikojnë atë siguri, apo nëse nuk e rrezikojnë – nuk bën show fare me arrestime.
Arrestimi me pompozitet dhe lirimi i menjëhershëm i “kërcënuesve të sigurisë nacionale” është diletantizëm i dorës së parë.
Përndryshe, edhe korrupsioni dhe krimi i organizuar i lidhur me partitë politike përbën “kërcënim të sigurisë nacionale”.