28,03,2024

Burim Bajraktari – karateist i sakrificës në Gjeneratën e Republikës

Must Read

Të merresh me sporte luftarake në vitet e 90-ta, ka qenë shumë vështirë apo siç thonë disa herë sportistët: Sikur të shkosh në vijën e parë të frontit kundër regjimit kriminal serb.

Burim Bajraktari i takon Gjeneratës së Republikës.

Ai ka qenë ndër karateistët më të dalluar në vitet e 90-ta. 
Bajraktari nuk u ndal asnjëherë, duke dhënë kontribut për karatenë dhe shtetin e Kosovës.

Në ato vite ishte pjesë e klubit Kastrioti nga Ferizaj, që udhëhiqej nga vëllezërit Mahalla, Ganiu dhe Nebihu dhe stërvitnin në sallën e improvizuar të shtatë vëllezërve Mahalla në rrugën e Pleshinës.

Bajraktari në çdo sfidë tregonte formën e tij dhe ishte shembull se si luftohet për ngjyrat e klubit dhe si kontribuohet për shtet të Kosovës.

Karateisti i asaj kohe, fare nuk brengosej për kërcënimet e milicisë serbe në vitet e 90-ta (1991-1999), por punonte me zell të shtuar që të përgatitej sa më mirë për garat e Republikës së Kosovës. 

Ai është krenar që i takoi asaj periudhe sa të rëndë aq edhe të lavdishme, për faktin se e kanë mbajtur gjallë sportin në përgjithësi.

Sot është i lumtur që të rinjtë dhe të reja ushtrojnë dhe garojnë në stadiume dhe palestra sportive, ndërsa kjo e drejtë iu mohua në vitet e 90-ta nga agresori serb, regjim që sportistët tanë i ka përndjekur, rrahur, arrestuar e burgosur edhe kur i zhvillonin garat në fusha dhe salla të improvizuara në qytetet e ndryshme të Kosovës!/Botasot

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img