Skuadra zvicerane e St. Gallenit është duke planifikuar që në merkaton e verës, përveçse të kërkojë të blejë përfundimisht kartonin e Albianit, sulmuesit që gjatë këtij sezoni po kalon një formë fantastike dhe e ka marrë në huazim nga Augzburgu, të tentojë të afrojë në skuadër edhe vëllain e tij binjak, Adonisin, i cili luan te Vil në kategorinë e dytë të Zvicrës.
Adonisi ka një kontratë deri në 2020 me skuadrën që para pak kohësh rrezikoi seriozisht falimentimin. Gjatë këtij sezoni atë gjithashtu nuk e kanë lënë të qetë as dëmtimet, por së fundmi është rikthyer të luajë dhe paraqitjet e tij në mbrojtjen e Vil deri në fund të sezonit do të jenë nën vëzhgimin e skuadrës së Super Ligës zvicerane.
