25,05,2024

Bajrami: Masakruesit e dikurshëm po hyjnë në Kosovë pa u penguar nga askush

Must Read

valdete-bajrami

Shefja e Grupit Parlamentar të Nismës për Kosovën, Valdetet Bajrami, ka shkruar në llogarinë e saj në Facebook se politikanët serbë që gjatë luftës kishin urdhëruar të masakrohen shqiptarët, tani po vijnë në Kosovë pa u penguar nga askush, njofton Klan Kosova.

Bajrami u referohet dy vizitave të fundit, të Kryeministrit serb, Aleksander Vuçiq para ca ditësh dhe kësaj të sotmes të zëvendësit të tij, Ivica Daçiq.

 

Ky është shkrimi i plotë i Bajramit në Facebook:

Ata të cilën ishin kreatorët e spastrimit të shqiptarëve, ata të cilët na vranë, na masakruan, na dogjën, na dëbuan, na dhunuan, ata të cilët nuk po na kthejnë familjarët tanë tash e 17 vite, po hyn në shtetin tonë pa u penguar nga askush, bile bile edhe ftesa speciale po ju bëjnë.
Njëri erdhi ditë më parë duke e përsëritur se Kosova është Serbi, Ujmani është i Serbisë, Trepça është e Serbisë, e tjetri që sot është fut mbenda shtetit tonë, është po aq kriminel sa ai “kasapi i Ballkanit”, është ai i cili pos veprimeve kriminale që i ka bërë në kohën e luftës në Kosovë, ai është edhe po ai që loboi me gjithë forcën dhe ndikim e tij që të pengoj anëtarësimin e shtetit tonë në UNESCO dhe kjo normal ndodhi edhe falë diplomacisë tonë të shumë të dobët.
Është e papranueshme kjo qetësi nga pushtetarët.
Asnjë reagim nga askush prej kabinetit të kësaj qeveri jolegjitime, kësaj qeveri servile ndaj atyre që na pren e masakruan.
Mjaftë më poshtëruat gjitha familjet e dëshmorëve, invalidëve të luftës, të cilat dhanë më të shtrejtit e tyre që ne sot të gëzojmë këtë “LIRI”.
Mjaft më poshtëruat çdo viktimë të luftës.
Mjaft më poshtëruat çdo nënë tonën të cilat janë në pritje tash e 17 vite që të ju kthehen më të dashurit e tyre.
Deri kur do të duroj ky popull të poshtërohet kështu?

- Advertisement -spot_img
Të fundit

Arrestohet një person në Ferizaj, i dyshuar se ka kryer rrëmbim të një personi në Fushë Kosovë

Me datë 25.05.2024 rreth orës 09:35 policia rajonale e Ferizajt ka pranuar një informatë me telefon nga një femër...

More Articles Like This

- Advertisement -spot_img