Paraditen e sotme, i pari i Ferizajt, Agim Aliu, emëroi Nënkryetarin e ri të Komunës së Ferizajt, pas dorëheqjes së ish Nënkryetarit, Naim Ferati.
Është Arton Gavazi, Nënkryetar i ri i Komunës, master i shkencave juridike, kuadër profesional i dëshmuar që nga sot do të kryej detyrat e ushtroj kompetencat e Nënkryetarit të Komunës së Ferizajt. Nënkryetari Gavazi, mbante pozitën e drejtorit të Drejtorisë së Administratës së Përgjithshme.
Ekipi qeverisës i Kryetarit Aliu edhe me këtë rast po dëshmohet me kuadro e dije profesionale, moshë të re e përgatitje superiore për t’i shërbyer qytetarëve ferizajas.
