Kryetari i Ferizajt, Agim Aliu, sot së bashku me drejtor të drejtorive dhe urbanistët e Këshillit Konsultativ ka vizituar punët rreth asfaltimit të Rrethit të Madh, pjesë integrale e projektit “Bashkimi I Qytetit.
“Zonën tek ish kopshti i fëmijëve e shndërruam në park e kënd lojërash e sot bashkë me drejtorët dhe urbanistët e Këshillit Konsultativ, ndoqëm asfaltimin e Rrethit të Madh e hapësirave përskaj tij, pjesë kjo integrale e “Bashkimit të Qytetit” që kthen këtë hark hapësire e arterie infrastrukturore në më të zhvilluarin e më të bukurin kënd pas lënies pas dore për dekada me radhë.Ditëve që po vijnë fillojnë mbjelljet e gjelbërta, sinjalistika rrugore e gjithë përfundimi i infrastrukturës më moderne që i jep shije qytetit, lehtësi qarkullimi qytetarëve e mundësi të shtuara fitimesh bizneseve” ka shkruar Agim Aliu.
