Rreth orës 4:20 të mëngjesit në rrugën magjistrale,tek rrethi afër HIB Petroll ka ndodhur një aksident komunikacioni.
Në këtë aksident i cili sipas deklaratës së zëdhënësit të policisë, është vetë shkaktuar nga vetura mercedes kanë marr lëndime të lehta 4 persona të cilët janë trajtuar në emergjencën e Spitalit në Ferizaj.
“Vetura mercedes sipas xhirimeve që ka policia e trafikut për shkak të shpejtësisë së madhe tek rrethi ka humbur drejtimin dhe ka goditur edhe një veturë në parking. Për fat katër të lënduarit kanë marr vetëm lëndime të lehta e të cilët janë trajtuar në emergjencën e spitalit të Ferizajt” ka thënë Nexhat Xhokli nga policia rajonale e Ferizajt.
Policia e trafikut ka dalë në vendin e ngjarjes dhe është duke u marr me rastin.
