Kryetari i Ferizajt, Agim Aliu sot ka uruar të gjithë mësimdhënësit për Ditën e Mësuesit- 7 Marsin. Në urimin e tij, Aliu ka përkujtuar edhe historinë e fillimit të shkollës shqipe në Ferizaj.
Ky është postimi i plotë i kryetarit Aliu
Sot, në Ditën e Mësuesit, 7 Marsin, kujtojmë rrënjët e arsimit ferizajas, shkollën e parë shqipe në Ferizaj “Ismail Qemali” që u hap 80 vite më parë, më 1941.
Përpjekja për liri, sakrificat e panumërta, përveç gjakut të derdhur për liri të Dëshmorëve të Kombit e martirëve për lirinë, mbajnë edhe vulën e mësuesve, që frymëzuan e i mësuan brezave me misionin e tyre fisnik, shtigjet e lirisë.
Nga një numër i vogël mësimdhënësish që trasuan rrugën e dijes, sot Ferizaj ka 1562 mësimdhënës e qindra mësimdhënës në pension që për dekada dhanë kontribut në arsim, e që sot i uroj 7 Marsin – Ditën e Mësuesit!
