Në linjën e rregullt për Stamboll, një fluturim i Turkish Airlines është nisur nga Aeroporti Ndërkombëtar i Prishtinës në orën 21:11 minuta.
Zëdhënësja e Aeroportit të Prishtinës, Valentina Gara ka thënë për Telegrafin se aeroplani i Turkish Airlines tani është në hapësirën e Stambollit.
“Turkish Airlines është nisur nga aeroporti ynë dhe është në hapësirën e Stamboll-it tani por a do të ateroj aty kjo varet nga autoritetet e aeroportit të Ataturk-ut”, ka thënë Gara.
Mirëpo sipas informatave në faqen e Turkish Airlines thuhet se tashmë aeroplani ka ateruar.
Nga shpërthimi që ndodhi më parë në Aeroportin Ataturk në Stamboll deri më tani kanë mbetur të vdekur 10 persona dhe 40 tjerë të lënduar.
