Komuna e Ferizajt përmes një njoftimi ka bërë të ditur se nga dita e djeshme i është kthyer normalitetit. Nga dje komuna ka filluar punën me staf të rregullt dhe me orar të plotë.
“Njoftohen të gjithë qytetarët ferizajas se që nga data 26 maj 2020, Komuna e Ferizajt ka filluar punën me staf të rregullt dhe me orar të plotë nga ora 08:00 deri në orën 16:00.
Gjatë paraqitjes në punë, stafi civil është i obliguar t`i zbatoj rregullat në fuqi për mbrojte nga pandemia COVID-19. Komuna e Ferizajt çdo kërkesë të qytetarëve do ta trajtojë me kujdes të veçante konform afateve kohore të përcaktuara me ligjet në fuqi” thuhet në njoftimin e komunës së Ferizajt
