AAK: Kërkojmë nga organet e hetuesisë që ta zbardhin plagosjen në Pejë

AAK thekson se ky akt duhet ta marrë dënimin e merituar. “Incidenti i sotshëm në Pejë, ku për pasojë pati plagosjen e dy fëmijëve dhe dy të rriturve është i papranueshëm dhe rëndë i dënueshëm”, thuhet në reagimin e AAK’së.“Kërkojmë nga organet e rendit dhe të hetuesisë që ta zbardhin sa më parë rastin në fjalë. Kosova nuk mund dhe nuk do të jetë vend i pasigurt për qytetarët e saj.  Forca e ligjit do t’i godasë pa mëshirë të gjithë ata që do të guxojnë të rrezikojnë jetën e qytetarëve, pronën, apo lirinë e tyre”, thuhet tutje në reagim.Ndërkohë që nga të shtënat me armë zjarri janë plagosur katër persona, si dhe katër të tjerë janë arrestuar nga policia rajonale e Pejës