Presidenti i Turqisë, Rexhep Tayyip Erdogan, pritet të ndjekë nga tribunat ndeshjen mes Turqisë dhe Kosovës, e cila luhet të shtunën në kuadër të eliminatoreve për Kampionatin Botëror 2018.
Por, kreu i Kosovës, Hashim Thaçi, nuk do të udhëtojë drejt Antalya-s për ta përkrahur Kosovën, siç kishte bërë në takimin ndaj Finlandës dhe Kroacisë.
Burime të gazetës Express brenda Presidencës bëjnë të ditur se Thaçi nuk do të udhëtojë në Antalya për shkak të agjendës së ngjeshur.
Ndeshja mes Turqisë dhe Kosovës luhet nesër në Antalya nga ora 18:00 në kuadër të eliminatoreve për Botërorin “Rusia 2018”.
.
