Trajneri i Newcastle, Rafael Benitez ka folur rreth spekulimeve që ai te marr drejtimin e Spanjës.
Trajneri aktual i ekipit kombëtar te Spanjës, Vicente Del Bosque duket se pas Evropianit “Francë 2016”, do të largohet nga kreu i skuadrës spanjolle.
Mediat spanjolle kanë raportuar për mundësinë që Benitez të zëvendësoj Del Bosque, por, ish-trajneri i Real Madridit ka hedhur poshtë këtë mundësi.
“Unë jam menaxher i Newcastel dhe unë dua të jem këtu edhe vitin e ardhshëm. Unë jam shumë i lumtur këtu”, ka thënë Benitez.
“Del Bosque është mik i imi, unë isha ndihmës i tij, kur ai drejtonte Real Madridin, ai e di se si unë punojë, por unë mendoj se edhe për një kohë të gjatë do të jem këtu”, ka theksuar ai. /KosovaPress/
