KRU Bifurkacioni ka njoftuar se është ndërprerë furnizimi me ujë në fshatin Varosh të Ferizajt.
Arsye për këtë është një defekt në sistemin e energjisë elektrike tek stacioni i pompimit.
“Të nderuar konsumatorë, ju njoftojmë se për shkak të një defekti në sistemin e energjisë elektrike tek stacioni i pompimit, është ndërprerë furnizimi me ujë për konsumatorët e fshatit Varosh.
Me rastin e rregullimit të defektit nga ekipet e KEDS do të rikthehet edhe furnizimi me ujë të pijes.
Kërkojmë mirëkuptimin e konsumatorëve deri në zgjidhjen e këtij problemi, i cili nuk varet nga ne”, thuhet në njoftimin e KRU Bifurkacioni.