Prokuroria Themelore në Ferizaj ka bërë të ditur se ka autorizuar ndërmarrjen e të gjitha veprimeve hetimore lidhur me manipulimin me vota për zgjedhjet e 28 dhjetorit.
Përmes një njoftimi për media, prokuroria bën të ditur se autorizimi është bërë me qëllim që të identifikohen personat përgjegjës dhe administrimin e materialit zgjedhor.
“Veprat penale që cenojnë të drejtën e votës përbëjnë shkelje serioze të ligjit dhe do të trajtohen me përkushtim maksimal, pa asnjë kompromis”, thuhet ndër të tjera në njoftimin e Prokurorisë.
Deri më tani, autorizim për hetim lidhur me këtë çështje ka lëshuar edhe Prokuroria Themelore në Prizren.
Dyshimet për manipulim votash kanë filluar nga Komuna e Prizrenit, për çka edhe të gjitha komunat tjera kanë shkuar në rinumërim.
KQZ ka arritur të procesojë afro 40 për qind të votave të rinumëruara nëpër mbarë komunat.
