Një vetaksident ka ndodhur dje rreth orës 12:00 në magjistralen Ferizaj – Gjilan, saktësisht në fshatin Mirosale, ku si pasojë është lënduar shoferja që po drejtonte veturën.
Burimet e Gazetës Sinjali bëjnë të ditur se deri te aksidenti dyshohet se ka ardhur për shkak të mos përshtatjes së shpejtësisë së lëvizjes, me ç’rast 33-vjeçarja ka humbur kontrollin mbi veturën dhe ka dalë jashtë rrugës.
Si pasojë e lëndimeve të marra ajo është dërguar në Emergjencën e Spitalit të Ferizajt, ku pas dhënies së ndihmës së parë është transferuar në Qendrën Klinike Universitare të Kosovës për trajtim të mëtutjeshëm, raporton Gazeta Sinjali.
