Përderisa shumë të rinjë po ikin nga Kosova, kryeministri i vendit, Ramush Haradinaj ka thënë se kosovarët duhet ta qëndrojnë dhe ta zhvillojnë vendin.
“Ne jemi Europë, na mungon lëvizja e lirë, por edhe ajo do të vjen. Por, edhe lëvizja e lirë është mundësi me pa çka ndodh në vendin tonë dhe çka ndodh në vendet tjera, por ne duhet të synojmë ta bëjmë jetën këtu – ta zhvillojmë Kosovën brez pas brezi”, tha ai.
Sipas tij, dëshira e tyre është që Kosova të bëhet si Gjermania dhe Austria, e jo të rinjtë të shkojnë në këto dy vende.
“Ne duhet të synojmë ta bëjmë jetën këtu – ta zhvillojmë Kosovën”.
“Dëshira jonë është ta bëjmë Kosovën Gjermani dhe Austri dhe jo të rinjtë tanë të shkojnë në Gjermani dhe Austri”.
Këto komente Haradinaj i ka bërë në shënimin e 14 vjetorit të gjimnazit “Loyola”.
Ai premtoi mbështetje për këtë shkollë dhe nxënësit e saj.
“Për ta ditë të gjithë se sa e mirë është Loyola mund ta shihni testin e maturës që e kalojnë 100%”.
