25 fermerë ferizajas përfitojnë dredhëz industriale të varietetit “Senga-Sengana”

Gjatë ditës së sotme Drejtoria e Bujqësisë në Ferizaj, në krye me drejtorin Ismet Vranovcin, kanë bërë shpërndarjen e dredhëzave për fermerët ferizajas.
Ky projekt është i parë i këtij lloji në Komunën e Ferizajt, dhe po realizohet në bashkëfinancim edhe të USAD-it amerikan, ku USAD-i ka bërë shpërndarjen e sistemit të ujitjes pikë-pikë, ndërsa komuna po bën shpërndarjen e dredhëzës industriale.
Sipas drejtorit të Drejtorisë së Bujqësisë Ismet Vranovcit, komisioni i përcaktuar për shpërndarjen e fidanës së dredhëzës ka kryer punën në mënyrë të shkëlqyer, ku ka bërë përzgjedhjen e 25 fermerëve të cilin kanë përfituar nga 10 mijë fidanë të dredhëzës për secilin fermerë, ndërsa ata do të mbjellin rreth 20 ari tokë me këtë kulturë.
“Na e kemi bërë këtë projekt më USAD-in duke marr parasysh edhe ekonominë, por edhe çmimin e tregut të dredhëzave. Është një kulturë e re në komunën e Ferizajt për arsye se kjo është dredhëzës industriale dhe përdorët për industri, por mund të mund të përdoret si e freskët për ushqim. Karakteristike e saj është që kjo kulturë, duhet të grumbullohet menjëherë dhe duhet të dërgohet në depo. Ekziston marrëveshja në mes fermerëve dhe partnerit strategjikë që e ka përzgjedhur USAID-i dhe ekzistojnë kontrata që janë nënshkruar nga tri palët nga Besina-G – komuna dhe nga fermerët, dhe të gjitha prodhimet e tyre, ato do t’i dorëzojnë aty, ndërsa çmimin e përcakton tregu dhe ne nuk mund të ndikojmë tek çmimi”, është shprehur Vranovci.
Edhe fermerët ferizajas u shprehën tejet mirënjohës ndaj komunës së ferizajas, për shpërndarjen e kësaj fidane. Thanë se me këtë do të ngritët edhe mirëqenie e familjeve të tyre.
U bë e ditur se ky projekt komunës së Ferizajt i ka kushtuar mbi 48 mijë euro.