Së fundi historiani, Cedomir Antiq ka thënë se Serbia e ka humbur Kosovën qysh në vitin 2011, transmeton lajmi.net
Sipas tij, fajtor për këtë ka qenë kriza ekonomike ndërkomëbtare në periudhën 2009-2011 dhe presioni nga jashtë.
“Serbia ka pasur disa argumente për të arritur një kompromis historik me shqiptarët, por i kemi humbur ato argumente, për shkak të politika të paqarta dhe mungesës së interesimit për tu marrë me këtë çështje”, ka thënë Antiq për Tanjug.
“Ne e kemi pranuar se serbët nuk janë pakica kombëtare dhe të kenë të drejta në Kosovë,. Serbët kanë bashkësinë e komunave e cila nuk ka kompetenca”, ka thënë historiani serb.
Sipas tij, zgjidhja e problemeve mes dy vendeve do të bëhej vetëm me kompromis historik.
“Vija e kuqe për zgjidhjen e çështjes mes Kosovës dhe Serbisë është një marrëveshje dhe kompromis historik”, shtoi ai.
Ai ka folur edhe për anëtarësimin e Kosovës në organizata ndërkombëtare, dhe zbatimin e marrëveshjeve të arritura në Bruksel.
“Pyes veten se çfarë kemi lënë pas marrëveshjeve të Brukselit. Pjesa tjetër e pranimit të Kosovës në organizata ndërkombëtare veç dihet”, u shpreh Anti.
Sipas historianit serb, Kosova nuk do të mund të rikthehet më në gjirin e Serbisë. /Lajmi.net/
