Ferizaj. 09.07.2017 . Universiteti i Shkencave të Aplikuara në Ferizaj (UShAF), njofton të gjithë të interesuarit, se nesër (e hënë), 10 korrik 2017, do të shpallet KONKURSI për pranimin e studentëve të rinj.
Në afatin e parë, Universiteti do të pranojë 410 studentë të rregullt në fakultetet:
Fakulteti i Arkitekturës, Dizajnit dhe Teknologjisë së Drurit
Programet:
– Arkitekturë i Interierit dhe Dizajni i Mobileve
– Dizajni dhe Konstruksionet e Produkteve të Drurit
Fakulteti i Turizmit dhe Ambientit
Programi:
– Menaxhment i Turizmit dhe Hotelerisë
Fakulteti i Inxhinierisë me Informatikë
Programi:
– Inxhinieri Industriale me Informatikë
Paraqitja e dokumenteve zgjatë prej datës 10.07.2017 deri më 17.07.2017 në ora 16.00 (dokumentet do të pranohen çdo ditë, me përjashtim të dielave). Gjatë kësaj kohe, do të mund të aplikoni online në www.ushaf.net/apliko nga ora 08:00, ndërsa pranimi i dokumentacionit do të fillojë nga ora 10:00.
Për të gjitha detajet (kriteret, afatet, mënyrën e aplikimit dhe detaje të tjera) do të njoftoheni përmes konkursit që do të mund ta gjeni në të gjitha gazetat ditore të datës 10 korrik 2017, si dhe në faqen e internetit www.ushaf.net.
Për çdo paqartësi, ju do të mund të kontaktoni për udhëzime Administratën Qendrore të Universitetit.
Universiteti i Shkencave të Aplikuara në Ferizaj iu uron sukses në këtë proces të rëndësishëm për të ardhmen Tuaj!
