Në këtë takim janë diskutuar zhvillimet në rajon, rolin stabilizues të shqiptarëve në vendet ku jetojnë, dhe vizionin e shtetit shqiptar për një rajon më të sigurt.
Ministri Bushati e ka shprehur angazhimin e Shqipërisë, që ta vazhdojë kontributin e saj për një rajon të kyçur në rrjedhat euroatlantike.
“Takim miqësor me Përfaqësuesen e Lartë për Politikën e Jashtme dhe të Sigurisë të BE-së, Federica Mogherini, në kuadër të Ministerialit të Mesdheut në Barcelonë”, ka shkruar ministri Bushati në facebook.
Lexo postimin e plotë:
Takim miqësor me Përfaqësuesen e Lartë për Politikën e Jashtme dhe të Sigurisë të BE-së, Federica Mogherini, në kuadër të Ministerialit të Mesdheut në Barcelonë. Diskutuam për zhvillimet e fundit në rajon, rolin stabilizues dhe europianizues të shqiptarëve në shtetet ku ata jetojnë, vizionin e Shqipërisë për një rajon të sigurt ku proceset demokratike shtet-konsoliduese vijojnë pa u keqpërdorur nga aktorë të tretë. Shqipëria mbetet e angazhuar për të vijuar kontributin e saj për një rajon të kyçur në rjedhat euro-atlantike.
