Presidenti i Republikës Serbe në Bosnje e Hercegovinë, Milorad Dodik, ka komentuar vendimin e SHBA-së për ta futur në listë të zezë.
“Kjo nuk do të ndodhte po të mos isha ftuar në inaugurimin e Presidentit të sapozgjedhur Donald Trump”, ka thënë ai.
Dodik ka fajësuar personalisht ambasadoren e SHBA-së në Bosnjë, Maureen Cormack, e cila, sipas tij, tash e tutje nuk mund të hyjë në “Republika Srpska”.
“Ajo është armike e Republika Srpska dhe serbëve”, ka thënë Dodik.
Ai më pas ka kërkuar që ambasadorja të shpallet “Persona Non Grata” në gjithë territorin e Bosnjës.
