Sanksionet kundër Dodikut, nënkupton se atij i ndalohet udhëtimi në SHBA, dhe i ngrihen asetet në territorin e SHBA-ve, si dhe në të gjitha vendet që i bashkohen këtyre sanksioneve.
“Nuk e di nëse është i saktë informacioni që jam vendosur në listën e zezë të Amerikës, pasi që asnjë dokument zyrtar nuk e kam pranuar. Por, pres diçka të tillë”, ka thënë Dodik për “Vecernje Novosti”, transmeton lajmi.net.
Dodikut, ambasada amerikane në Sarajevë në dhjetor ia ka refuzuar kërkesën për vizë.
Po ashtu, ambasada në Sarajevë me rastin e shënimit të Ditës së RS-së, ka vlerësuar se bëhet fjalë për “shkelje të Kushtetutës së Bosnjës”, pasi që nuk është respektuar vendimi që kjo Ditë mos të shënohet më 9 janar. /Lajmi.net/
