Shifra alarmante përmban sot raporti i Institutit Kombëtar të Shëndetësisë Publike.
Katër mijë e 397 persona kanë rezultuar pozitivë me COVID-19 në 24 orët e fundit, njofton MSh.
16 mijë e 307 persona u testuan, ndërkohë 607 u shëruan. Numri i rasteve aktive është mbi 25 mijë.
Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
-Në 24 orët e fundit janë dhënë 5.459 doza të vaksinës kundër COVID-19.
-Prej fillimit të vaksinimit në të gjitha qytetet e Kosovës janë dhënë 1.759.797 doza të vaksinës.
-Deri më sot 832.020 qytetarë janë vaksinuar me dozën e dytë.
-Deri më sot janë dhënë 65.147 doza përforëcuese dhe doza të treta të vaksines kundër COVID-19.
-Nga 16.307 testime, 4.397 qytetarë kanë rezultuar pozitiv me virusin COVID-19.
-Sot janë shëruar 607 qytetarë, derisa numri i përgjithshëm i të shëruarve është 162.333.
-Në total numri i rasteve aktive është 25.458.
