Organizata e Veteranëve të Luftës së UÇK-së, sot shënon Ditën e Veteranit, ditë kjo që nderon kontributin dhe sakrificën e gjithë bashkëluftëtarëve për lirinë e Kosovës.
Në nder të kësaj dite, të nderuar bashkëqytetarë, familjarë të Dëshmorëve të Kombit, Invalidë dhe Veteranë të UÇK-së, ftoheni sot me datë: 30.12.2019, ora 10:00, në homazhe në Varrezat e Dëshmorëve të Kombit të UÇK-së në Ferizaj.
Në këtë ditë kujtojmë shokët Dëshmorë të Kombit, kujtojmë bashkëluftëtarët që nuk janë më në mesin tonë, kujtojmë me krenari lavdinë e luftës së Ushtrisë Çlirimtare të Kosovës.
Ardhja juaj në homazhe nderon gjakun, veprën dhe sakrificën e dëshmorëve për liri.
Lavdi jetës dhe veprës së Dëshmorëve, lavdi shokëve tanë që nuk janë më në mesin tonë!
