Komuna e Ferizajt ka njoftuar se për shkak të gjendjes epidemiologjike ka anuluar dëgjimet publike dhe në respektim të masave mbrojtëse të ndërmarra nga Qeveria e Republikës së Kosovës.
Komuna ka njoftuar se në afat 10 ditor,qytetarët, grupet sociale, organizatat e shoqërisë civile, kryetarët e fshatrave dhe zonave urbane, përmes linkut dhe adresës elektronike të poshtëshënuar të paraqesin propozimet përkitazi me hartimin e projektbuxhetit në sferën e investimeve kapitale për vitin 2021-2023.
NJ O F T I M
Njoftohen qytetarët e Komunës së Ferizajt se për shkak të gjendjes epidemiologjike të shkaktuar nga virusi COVID-19 dhe në respektim të masave mbrojtëse të ndërmarra nga Qeveria e Republikës së Kosovës, pamundësohet organizimi i tubimeve për dëgjimet publike për projektbuxhetin e Komunës së Ferizajt 2021-2023 andaj Komuna e Ferizajt, përmes formës elektronike, qasjes në ueb-faqen e Komunës, organizon pranimin e komenteve, sugjerimeve, propozimeve dhe vërejtjeve eventuale për projektet e ndryshme kapitale në interes të qytetarëve.
Inkurajohen qytetarët, grupet sociale, organizatat e shoqërisë civile, kryetarët e fshatrave dhe zonave urbane, që në afat 10 ditor, përmes linkut dhe adresës elektronike të poshtëshënuar të paraqesin propozimet përkitazi me hartimin e projektbuxhetit në sferën e investimeve kapitale për vitin 2021-2023.
Kurse propozimet mund t’i dërgoni përmes e-mailit: info.ferizaj@rks-gov.net
