Edhe pse e kishte vendin e rezervuar, kryetarja e Komunës së Gjakovës, Mimoza Kusari-Lila, nuk ka marrë pjesë
E pyetur nga KosovaPress, Kusari-Lila tha se arsyeja për mospjesëmarrjen e saj lidhet me angazhimet e saj të shumta në punët si drejtuese e Komunës së Gjakovës.
Ajo tha se ka pasur një agjentë të ngjeshur në Gjakovë.
Kusari – Lila: Kam pasur një agjentë të ngjeshur
“Kemi pasur një agjentë shumë të ngjeshur në Gjakovë, ka qenë një përvjetor i cili ka qenë i organizuar nën patronatin tim dhe dy aktivitete të tjera që kanë qenë shumë të rëndësishme. Por, duke marrë parasysh që është bërë në sallën e Kuvendit dhe ka pasur edhe mysafirë të tjerë, në orët e mbrëmjes do ta shoh se çfarë ka ndodh për shkak të angazhimeve gjatë ditës. Nesër gjithashtu do të jem jashtë vendit, një udhëtim që ka qenë i caktuar më herët. Do të thotë nuk ka të bëjë me caktimin e këtij organizimi, por q ë ka rastisë që mos të jem në këto dy aktivitete”, ka thënë Kusari-Lila.
Ndërsa, Kusari-Lila ka mohuar se arsye për mospjesëmarrjen e saj në këtë seacnë solemne do të mund të kenë qenë motivet politike.
Sipas saj, e gjitha është çështje e menaxhimit të kohës.
Kusari-Lila: Është çështje e menaxhimit të kohës
“Absolutisht është çështje e menaxhimit të kohës, në kuptimin e aktiviteteve të cilat kanë qenë. Është një periudhë shumë e zënë për ne në Gjakovë me organizime të ndryshme dhe natyrisht kur bëhen nënë pratronatin e kryetares dhe kur ka nevojë për prezencën time fizike duhet të matet, është detyra primare që e bëj si kryetare”, theksoi kryetarja e Gjakovës.
Prezent në seancën e betimit të Thaçit nuk kanë qenë as përfaqësues të familjes Jashari, Haradinaj e Rugova.
Po ashtu, në këtë seancë, edhe pse i ftuar nuk u pa as ish-presidenti i Kosovës, Behgjet Pacolli./KosovaPress/
