​I burgosuri që mbyti veten në Dubravë ishte me probleme psikike

30-vjeçari që dyshohet se vrau veten, mbrëmë, në burgun e Dubravës, ishte me probleme mendore.

Gazeta Express raporton se rasti ka ndodhur në pavijonin e të burgosurve me probleme mendore në Burgun e Dubravës.

30-vjeçari, siç raporton Gazeta Express, kishte provuar të vetëvritet edhe më parë, disa herë. I njëjti ishte parandaluar nga gardianët e shërbimit korrektues.

Deri më tash Shërbimi Korrektues i Kosovës nuk ka dhënë informacione për rastin.

Zëdhënësi Jeton Kabashi ka refuzuar të flasë për Gazetën Express rreth kësaj ngjarjeje.