Në sheshin e qytetit”Hyrë Emini” në Ferizaj, gjatë ditës së sotme është shënuar 12 Maji- Dita Ndërkombëtare e Infermierisë.
Në këtë aktivitet ka marrë pjesë nënkryetari i Komunës së Ferizajt Lulzim Aliu, drejtori i Drejtorisë së Shëndetësisë dhe Mirëqenies Sociale Dr.Kemajl Emini, drejtorja e QKMF-së Nadire Ymeri si dhe personeli mjekësor i qendrave të mjekësisë familjare, por edhe student te kolegjeve private.
Ekipet e infermierëve në sheshin e qytetit ofruan shërbime shëndetësore për qytetarët, si: Matjen e tensionit arterial, matjen e glikemisë, nivelin e saturimit me oksigjen, si dhe shpërndanë shumë fletëpalosje në promovim të shëndetit, ndërsa qytetarët tanë treguan interesim të madh për këto aktivitete.
Poashtu gjatë këtij aktiviteti u tha se pas gjashtë viteve do të fillojë ribotimi i revistës së QKMF-së.
