Në kumtesën me të cilën ka bërë publik vendimin, Stavreski thotë se po tërhiqet nga Qeveria për arsye shëndetësore dhe me këshillë të mjekëve.
Stavreski, i cili ishte edhe kumbarë dhe “dora e djathtë” e ish-kryeministrit Nikolla Gruevski, në Qeverinë e Maqedonisë bënte pjesë që nga viti 2006.
Ai ishte një nga protagonistët kryesorë të të ashtuquajturave “bomba”, respektivisht bisedave të përgjuara telefonike që gjatë vitit 2015 i publikoi opozita maqedonase.
Ndër më të cituarat janë thëniet e tij, gjatë bisedave me ministren e Brendshme Gordana Jankullovska, se Gruevski “është i çmendur” dhe se “shpenzojmë për çokollata, kurse s’kemi për bukë”.
The post Zoran Stavreski ka dhënë dorëheqje nga dy funksionet appeared first on Lajminet.
