Burime nga spitali i Lezhës bëjnë me dije se një person ka mbërritur i asfiksuar dhe ndodhet nën kujdesin e mjekëve. Një furgon policie ka mbërritur nga Tirana në Lezhë, për të mbikëqyrur nga afër situatën.
(16:37)
Ambientet e paraburgimit në burgun e Shënkollit në Lezhë janë përfshirë nga zjarri.
Mësohet se flakët kanë rënë në një nga qelitë në katin e dytë të ndërtesës së burgut. Dyshohet se një person me inicialet F.S ka humbur jetën, megjithatë nuk kemi ende një konfirmim zyrtar nga policia.
Forcat e zjarrfikëseve kanë shkuar në vendin e ngjarjes dhe kanë nisur punën për të vënë nën kontroll flakët.
Policia ka nisur hetimet për shkaqet e zjarrit.
.
