Kryetari i AAK-së dega në Ferizaj, si dhe njëherit Nënkryetar i Komunës së Ferizajt, Xhavit Zariqi, uron gjithë qytetarët me rastin e shënimit të përvjetorit të nëntë të Pavarësisë së Kosovës.
Data e 17 shkurtit 2008 do të mbetet përjetësisht në historinë e Kosovës, si përpjekjeve shekullore e popullit tonë për liri, pavarësi, demokraci dhe dinjitet njerëzor. Shpallja e Pavarësisë ishte akt historik, por të cilit i ka paraprirë një proces i gjatë çlirimtar, i mbuluar me lavdi, me gjak e sakrifica të panumërta, i ka paraprirë një luftë titanike për jetë a vdekje.
Në përvjetorin e nëntë të shpalljes së pavarësisë të mendojmë për gjendjen e tanishme sociale, ekonomike dhe politike të Kosovës por edhe të mendojmë për punët që na presin e që nuk janë pak.
