Vizita e delegacionit ferizajas në Bursa të Turqisë, zuri vend të veçantë në mediat turke, të cilat gjatë gjithë kohës përcollën aktivitetet e kryetarit Svarqa dhe bashkëpunëtorëve të tij.
Kështu, A-Gazete, një medium i rëndësishëm në Turqi, i kushtoi vëmendje vizitës, duke e pasqyruar atë në ballinën dhe në brendësinë e saj.
Po ashtu edhe gazeta OLAY dhe media të tjera audiovizuele, shkruan e folën për këtë vizitë. Kryetari Svarqa ishte i ftuar në redaksinë e A-Gazete, për të cilën dha një intervistë të gjatë për zhvillimet në Ferizaj dhe në Kosovë.
Në fund të vizitës delegacioni pati takime edhe me njerëz të shtypit e të kulturës, me ish-funksionarë e politikanë me prejardhje shqiptare, të cilët i kishin vënë fillet e para të komunikimit politik dhe shtetëror të Shqipërisë dhe Turqisë. Në fillim të viteve ’90 ata kishin organizuar takimin e parë në mes liderit të atëhershëm të PD-së Sali Berisha dhe udhëheqësit të shtetit turk Sulejman Demirel.
