Ferizaj. 18.10.2018. Vendosmëria e të parit të Ferizajt, Agim Aliu dhe drejtorit të Bujqësisë dhe Pylltarisë, Burim Bajrami për mbrojtjen e pyjeve po jep rezultate domethënëse në terren. Ky model i kujdesit ndaj natyrës po tregohet efikas edhe me bashkëpunimin me Policinë e Kosovës në vendosjen e pikave të ndalimit-kontrollit policor në rrugët që çojnë në viset malore në territorin e Ferizajt.
Deri më tani, Komuna e Ferizajt ka vendosur dy pika kontrolli policor, kurse së fundi është funksionalizuar edhe pika e tretë e kontrollit në fshatin Burrnik. E gjitha kjo është realizuar pasi që nga analiza e bërë nga zyrtarët e drejtorisë së bujqësisë ka rezultuar se kjo masë ka reduktuar në mënyrë drastike prerjen ilegale të pyjeve në territorin e Ferizajt.
Ndërkohë edhe mbetjet e masave drusore në pyjet e Ferizajt, janë lejuar nga Agjencioni Kosovar i Pyjeve për shfrytëzim në dobi të interesit publik.
