Shumë njerëz u mblodhën në fshatin Korroticë të Drenasit, për ta varrosur dikë që luftoi për lirinë që ata e gëzojnë sot.
Mirëpo rrethanat e vdekjes së Bedri Currit, ende mbeten të panjohura, njofton Klan Kosova.
Për vrasjen e ish-pjesëtarit të Ushtrisë Çlirimtare të Kosovës, familjarët nuk kanë ndonjë koment, me arsyetimin se hetimet po vazhdojnë.
37 vjeçari u gjet i vdekur të enjten mbrëma në Korroticë. E kryeprokurori i prokurorisë themelore Ymer Beka tha se hetimet për zbardhjen e këtij rasti do të vazhdojnë.
I ndjeri i cili një vit më parë ishte kthyer nga Zvicra për të jetuar në Kosovë, la pas gruan dhe vajzën e tij 20 vjeçare.
[youtube https://www.youtube.com/watch?v=WuUeMvm2Gys?feature=oembed]
