Mbrëmë në Teatrin “Adriana” në Ferizaj, në mesin e qindra bashkëqytetarëve, u mbajt Koncert Memorial kushtuar kompozitorit të papërsëritshëm, bashkëqytetarit tonë ferizajas, Vinçenc Gjini.
Kjo mbrëmje e veçantë koncertale, ku u shpalosën disa nga veprat më të zgjedhura të kompozitorit Vinçenc Gjini, u organizua nën përkujdesjen e Kryetarit të Komunës, Agim Aliu në kuadër të aktiviteteve për shënimin e 150 vjetorit të themelimit të Ferizajt, gjersa në skenën e teatrit “Adriana” këto vepra u interpretuan nga Kori dhe Orkestra e qytetit si dhe nga solistët Venera Imeri, Rrezarta Ramadani, Urim Salihu, Okteti i Qytetit, në piano Fjorda Veizaj nga Tirana, nën dirigjimin e profesoreshës, Lindita Isufi.
![](https://ferizajpress.com/wp-content/uploads/2023/09/FB_IMG_1695500837532-1-1024x683.jpg)
![](https://ferizajpress.com/wp-content/uploads/2023/09/FB_IMG_1695500864028-1-1024x683.jpg)
![](https://ferizajpress.com/wp-content/uploads/2023/09/FB_IMG_1695500841165-1024x683.jpg)