Policia e Kosovës ka kryer bastisje në tri lokacione të ndryshme dhe ka shoqëruar tre persona që janë intervistuar lidhur me rastin e një grabitjeje të armatosur të hënën në një argjendari në Ferizaj.
Sipas raportit të Policisë, dy të dyshuar të maskuar kishin grabitur një sasi ari pasditen e së hënës në rrugën “Dëshmorët e Kombit”, ndërsa gjatë ikjes kishin shtënë me armë zjarri dhe me forcë kishin marrë një veturë me të cilën gjatë ikjes kishin aksidentuar dy vetura. Gjatë të shtënave është dëmtuar një veturë.
Nuk raportohet për persona të lënduar.
Në vendin e ngjarjes janë gjetur dhe konfiskuar dy fishekë.
Policia thotë se rasti është duke u hetuar intensivisht.
