Deputeti i Parlamentit të Kosovës nga radhët e PSD-së, Faton Topalli, përmes një prononcimi ne mediat sociale ka kërkuar që kompania Bechtel&Enke ti përmbahet kontratës dhe të paguaj obligimet financiare ndaj kompanive vendore.
“Ndryshe do të kërkojmë edhe në Kuvendin e Kosovës edhe nga Qeveria e Kosovës të aplikoj të njejtat masa ndaj kësaj Kompanie që janë aplikuar kur Qeveria e Kosovës nuk i ka përmbushur me kohë obligimet e saj” ka shkruar Topalli
“Kompania Bechtel&Enke mori nga Buxheti i Republikë së varfër të Kosovës 54 Milion Euro për shkak të pagesave me vonesë të obligimeve materiale që Qeveria e Kosovës e kishte për detyrë t’i përmbushte sipas kontratës.. Sot e njejta kompani nuk paguan me kohë obligimet e kontraktuara që ka ndaj 25 ndërmarrjeve kosovare. Kjo jo vetëm që është e padrejtë, por edhe në kundërshtim me marëveshjet që ekzistojnë mes palëve. Ne kërkojmë nga kjo kompani që t’i përmbushë menjëherë këto obligime. Ndryshe do të kërkojmë edhe në Kuvendin e Kosovës edhe nga Qeveria e Kosovës të aplikoj të njejtat masa ndaj kësaj Kompanie që janë aplikuar kur Qeveria e Kosovës nuk i ka përmbushur me kohë obligimet e saj. Protesta e ndërmarrjeve të Kosovës sot në Sojevë është e drejtë dhe ne e mbështesimË ka shkruar Topalli.
Ndryshe sot në bazën qendrore të kompanisë Bechtel&Enke në Sojevë të Ferizajt 25 kompani vendore kanë protestuar dhe kanë kërkuar që kjo kompani ti përmbahet kontratës dhe të bëjë pagesën për punët e kryera.
