Lëvizja Vetëvendosje ka bërë të ditur se në listën e tyre të kandidatëve për deputetë në këto zgjedhje të jashtëzakonshme, do të jenë pjesë edhe veprimtarë nga mërgata.
Kështu ka thënë deputeti i këtij subjekti partiak Faton Topalli derisa shtoi se një gjë të tillë Vetëvendosje bën që nga zgjedhjet e vitit 2010 dhe 2014, njofton Klan Kosova.
”Vetëvendosje në zgjedhjet 2010 dhe 2014 ka pasur kandidatë nga mërgata njëri nga ta kam qenë edhe unë kam drejtuar një pjesë të legjislaturës së katërt. Do të ketë kandidatë për deputetë nga mërgata të cilët do të përfshihen në listë”, ka përfunduar Topalli në konferencën e mbajtur për media, njofton Klan Kosova.
