29,03,2024

Thaçi: Takimi i parë me Rugovën më i rëndësishmi për Kosovën

Must Read

Thacirugova

Kishte qenë një nga ditët e vitit 1991. Hashim Thaçit nuk i kujtohet saktësisht, data e muaji. Por mbanë mend mirë detajet sikurse orën.

“Ishte ora 13:00….”, thotë Thaçi, teksa kujton takimin e parë me Ibrahim Rugovën.

Thaçi në një intervistë për Opinion në Klan ka kujtuar takimin e parë më Rugovën, që atëherë ishte lideri i Lidhjes Demokratike të Kosovës,duke e cilësuar si njërin prej më të rëndësishmëve në politikën kosovare.

Për këtë kishte një arsye. Thaçi ka thënë se në atë takim, Rugova i kishte sugjeruar atij që të ishte më i kujdesshëm sepse aparati shtetëror i asaj kohe ishte i vrazhdët.

“Ai takim edhe pse pas takimeve të tjera që kishin pasuar u harrua, për mua ka rëndësi të jashtëzakonshme sepse ballafaqoheshin  dy ide të ndryshme, që më vonë do të bëheshin më kryesoret në politikën e Kosovës”, ka thënë Thaçi, në këtë intervistë të zhvilluar në fshatin e tij Burojë.

Thaçi kujton se Ibrahim Rugovën e kishte takuar në zyrën e tij.

“Ishte ora 13:00 dhe filloi edicioni i lajmeve të Dojqevelles (DW) dhe më kujtohet se pritëm për takim derisa përfunduan lajmet. Fisniku dhe Ibrahimi pinin cigare. Më ka ofruar edhe mua cigare si pasionant i fiksuar pas cigares. I thash që duhet të lëvizim por më tregoi se duhet të jemi të kujdesshëm”, ka thënë Thaçi.

Sipas tij, Rugova e kishte kujtuar këtë takim edhe në Ramubuje kur ishin takuar por edhe në disa raste të tjera.

(Insajderi)
- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img