Në një takim të organizuar me drjetor të shkollavë të mesme dhe fillore, drejtori i DKA-së në Ferizaj, Afrim Llabjani ka njoftuar se këtë të shtunë do të filloj faza e parë e garave në nivel komunal në kuadër të Programit Nacional për Rininë.
Drejtori Llabjani ka njoftuar drejtorët e shkollave se tani më janë konsoliduar të gjitha panelet vlerësuese për garat komunale dhe më 13 Prill 2019 do të mbahen garat për Kreativitet Kulturor dhe Mendim Kritik.
Për hollësi në lidhje me organizimin e këtyre garave shpjegime dha Bashkim Bytyqi, zyrtarë për arsim në DKA.
Bytyqi tha se DKA-ja ka përgatitur edhe orarin e pjesëmarrjes së shkollave në gara.
“DKA-ja ka përgatitur orarin e pjesëmarrjes së shkollave në gara pasi për shkak të numrit të madh të pjesëmarrësve garat nuk ka mundësi të përfundojnë brenda një dite. Panelet vlerësuese tashmë janë të gatshme dhe jemi munduar që të jenë sa më profesional në lëmitë përkatëse” ka thënë Bytyqi.
Me këtë rast u bë e ditur se garat të cilat do të zhvillohen këtë të shtunë janë të ndara në dy lokacione;
Garat në Art dhe Muzikë do të mbahen në shkollën e muzikës “Çesk Zadeja” , ndërsa
Garat në Aktrim, poezi, ese, do të mbahen në teatrin Adriana Abdullahu.
