Paraditen e sotme, në ambientet e Komunës së Ferizajt, Nënkryetari Lulzim Aliu bashkë me drejtorin e Arsimit, Afrim Llabjani, pritën në takim drejtues e përfaqësues nga Ministria e Zhvillimit Rajonal si dhe Caritas-i Zviceran, me ç’rast u nënshkrua marrëveshja e bashkëpunimit nga e cila do të bashkëfinancohet fuqizimi i klubeve ekologjike, klubeve mjedisore në 5 shkolla të mesme të Ferizajt, në kuadër të projektit YENI të kësaj organizate.
Ky projekt synon që të përmirësoj veprimin klimatik dhe mbrojtjen e mjedisit, përmes angazhimit të të rinjve në shkollat e mesme në Kosovë. Po kështu, nga ky projekt do të ofrohen edhe trajnime për mësimdhënës, nxënës si dhe shpërblime për klubet garuese në kuadër të këtij projekti.
